من اروع قصائد الشاعر القطري محمد المري

الله يجازي من يسوي سواتك
وبذنوب من سوا سواتك يجازيك
مشيت درب الثقل وتحب ذاتك
ماتدري انه للمهالك يوديك
وغرك جمالك يا خسارة حلاتك
ما تدري ان ما غير طبعك يحليك
بتقول زينك بيشفع لسيئاتك
الحسن ماهو عن وفاء الحب يعفيك
لو التواضع والوفاء من سماتك
بعت الحبايب كلهم دين واشريك
لاكن عجزت اغيرك ياجراتك
عن الغياب اللي بلا عذر ينجيك
خطاي في توضيح وشهي غلاتك
وخطاك في توضيح وشهو تغليك
وشلون توصيني وتنسى وصاتك
تصد عن صوتٍ تقطع يناديك
مافاتك التجريح والعذر فاتك
وتبغي رضاي هالحين ما عاد يمديك
صحيح احبك بس هذي جزاتك
بعلمك درسٍ يفيدك ويحييك
تدري وش ابيض من خفوقك ...... ( عباتك )
وتدري وش اللي غرني .... ( نظرتي فيك )
ادري بتستغرب تصبر وجاتك
قصيدتن من واحد كان يبغيك
وتبي تناظر وانت عايش مماتك
شف وحدتك والناس تجلس حواليك
وتبي تشوف اشجع رجل في حياتك
شفني وانا راحل على كثر ما اغليك................................