ومساء الخيرات والليالي الشتويات
يا رب تكونوا بخير يا أهل قلبين اثنين
هذي قصيده وجدتها واعجبتني وحبيت أنقلها لكم
وخصوصاً لأخواتنا الدبدوبات
ولا يهونن أخواتنا النحيفات
وهي للشاعر حمد السعيد
أترككم مع القصيده
للزين قالوا مـن قديـم ٍ علامـات
عين ٍ ومبسم والجسـم والرشاقـه
لكـن كسـر هالقاعـده هالمتينـات
من واقـع ٍ ماهـو كـلام وبلاغـه
إللي محليهـن ولـو هـن ثقيـلات
دايم خفـاف الـدم وفيهـن لباقـه
الله ياهـن يـا جماعـه رقيـقـات
وعلى الكلام الحلـو فيهـن طلاقـه
ما هو ضروري بالرشاقه رشيقـات
وزود الوزن ماهـو بيعنـي إعاقـه
صحيح بعض اللبس يعنـي إهانـات
الـوزن بالضيّـق عديـم العلاقـه
بس مو ضروري يلبسن استرتشات
يا زينهن واللبس واااااااااااسع نطاقه
لا بارك الله فيك يالضيـق بالـذات
ترا السعـه مـرات تعطـي أناقـه
قالوا الرجيـم اليـوم هـم البنيـات
قلت الرجيـم أدري يبيلـه فراغـه
وقالوا الرياضه قلت ما هن مريضات
للسكـري لا مـا معاهـن بطـاقـه
قابلهن الله بـلا رجيـم ورياضـات
بهدي لهن مني مـن الـورد باقـه
هن دفء هذا المجتمع هن رقيقـات
هن ملح هن سكـر لذيـذن مذاقـه
هن لا سألتوني عن الحب بسكـات
بقـول فيهـن عـن الحـب طاقـه
ماهو كلام إللـي كتبتـه وإشاعـات
أنا اربطتنـي مـع متينـه علاقـه
تقديري واحترامي للجميع
الثلاثاء سبتمبر 23, 2008 4:46 am
